पनौती नगरपालिकाले शिल अवधि थप गरेको छ । जेठ २२ गते राति १२ बजेसम्म शिल अवधि गरिएको नगरपालिकाका वरिष्ठ प्रशासकीय अधिकृत इन्द्र प्रसाद अधिकारीले जानकारी दिनुभयो ।
नगरपालिकाले शिल अवधि थप गरेपनि केहि अत्यावश्यक सवालहरूलाई खुकुलो बनाएको छ । दूध संकलन र ढुवानी यसअघि जेठ ११ गतेको नियम अनुसार नै गर्न पाईने छ ।
क र ख वर्गका बैंक तोकिएको जनस्वास्थ्यका सबै मापदण्ड पालना गरेर सेवा प्रवाह गर्न पाउनेछन् । पशुपन्छीको दाना, ताजा तरकारी, बीउबिजन र फलफूल पसल विहान ६ बजेदेखि ९ बजेसम्म स्वास्थ्य सुरक्षाका सबै उपाय अपनाएर खोल्न पाईनेछ ।
जिल्ला प्रशासन कार्यालय काभ्रेले जारी गरेको नि षेधाज्ञा पनि जेठ २२ गते राति १२ बजेपछि सकिँदैछ । धुलिखेल नगरपालिकाले जेठ २२ गतेसम्म आफ्नो क्षेत्रमा पुर्ण रुपमा शिल गरेको छ ।
Facebook Comments