बनेपाका यी ठाउँ, जहाँ भोलीदेखि स्वाब संकलन हुँदैछ

बनेपा नगरपालिकाले भोलीदेखि स्वाब संकलन गर्ने ठाउँ र समय सार्वजानिक गरेको छ । बनेपामा शिल गरिएको समय भोली रातिदेखि नै सकिँदैछ । शिल गरिएपछि नगरपालिकाभित्र सं क्रमणको दर निकै कम भएको छ ।

नगरपालिकाका प्रमुख प्रशासकीय रविराज उप्रेतीका अनुसार शंकास्पद बिरामीको बृहत् खोजपड्ताल तथा स्वाब संकलन भोलीदेखि जेठ २६ गतेसम्म नगरपालिका ९ वटा ठाउँमा हुनेछ । भोली पहिलो दिन वडा नम्बर १४ को काँक्रा बारीबाट स्वाब संकलन सुरू गरिनेछ ।

१८ गते वडा नम्बर १३ को भैँसीपाटी, १९ गते वडा नम्बर ६ को बुडोर स्थित शहरी स्वास्थ्य केन्द्र, २० गते वडा नम्बर ११ को सिनागाल, २१ गते वडा नम्बर १० को वडा कार्यालयमा स्वाब संकलन गरि प्रमुख प्रशासकीय अधिकृत उप्रेतीले जानकारी दिनुभयो ।

त्यसैगरि २३ गते वडा नम्बर ५ को गंगादेवी माध्यामिक विद्यालय, २४ गते वडा नम्बर ३ को वडा कार्यालय, २५ गते वडा नम्बर २ को राधाकृष्ण मन्दिर र २६ गते वडा नम्बर १२ को वडा कार्यालयमा स्वाब संकलन गरिनेछ ।बनेपा नगरपालिकाले स्वास्थ्य शाखाबाट दैनिक, नालामा रहेको सद्भाव अस्पतालबाट आईतबार देखि शुक्रबारसम्म र स्पाइनल ईन्जुरी भैसेपाटीबाट सोमबार, बुधबार र शुक्रबार स्वाब संकलन गर्दै आईरहेको छ ।

बनेपा नगरपालिकामा कोरोना भाईरसको दोस्रो लहर सुरू भएयता १३ सय १६ सय जना सं क्रमित भैसकेका छन् । स्वास्थ्य शाखाका अनुसार ९ सय ५० जना निको भैसकेका छन् । दोस्रो भेरियन्टबाट २२ जनाको मृ त्यु भईरहेको छ । नगरपालिकामा अब जम्मा ३ सय ४४ जना मात्रै सक्रिय सं क्रमित रहेको स्वास्थ्य शाखाले जनाएको छ ।