चौरीदेराली गाउँपालिकाको केउरेनीमा जिल्लाकै ठूलो रंगशाला बन्दै, पहिलो चरणको काम सकिँदै

काभ्रेको चौरीदेराली गाउँपालिका वडा नम्बर ५ केउरेनीमा बन्दै गरेको सहिद तिर्थ गौतम स्मृति खेल मैदानको आधारभुत कार्य सकिएको छ । वडाध्यक्ष राजकुमार गौतमले पहिलो चरणको काम सकिएको जानकारी दिनुभयो ।यो खेल मैदानमा शौचालय र खानेपानी चेन्जिङ घर घेराबार, प्याराफिट, हेलिप्याड ग्राउन्ड पोलनेट, लाइटिङ, ग्रेडिङ र माटो फिलिङ समेतको कार्यको काम बाँकी छ । यी सबै पुरा भए काभ्रे जिल्लामा रहेको सबैभन्दा ठूलो खेलमैदान हुनेछ वडाध्यक्ष गौतमले बताउनुभयो ।यो खेल मैदानको लम्बाइ ११० मिटर र चौडाइ ६५ मिटर हुनेछ । त्यसो हुँदा राष्ट्रिय तथा अन्तर्राष्ट्रिय स्तरका खेलकुद प्रतियोगिता समेत सञ्चालन गर्न सकिनेछ । अहिले आधारभूत चरणको काम गर्न प्रदेश सांसद रत्न ढकाल मार्फत ९९ लाख बजेट परेको थियो । त्यसै अन्तर्गत पहिलो चरणको काम सकिन्न लागेको हो ।खेल मैदानमा अझै धेरै काम गर्न बाँकी रहेको वडाध्यक्ष गौतमले बताउनुभयो ।’आधारभूत तहको मात्रै काम सकिएको छ, यो खेल मैदानलाई काभ्रे जिल्लाकै सबै भन्दा ठूलो र स्तरीय बनाउन सकिन्छ, जग्गा पर्याप्त, बजेटको मात्रै अभाव नहुने हो भने समयमै काम सकेर सञ्चालनमा ल्याउन सक्छौँ, वडाध्यक्ष गौतमले भन्नुभयो ।’