नमोबुद्ध नगरपालिकाले भन्यो ‘पूर्व डिएसपीले कु प्रचार गरे, भ्रममा नपर्नु’

काभ्रेको नमोबुद्ध नगरपालिकाले पूर्व डिएसपी कृष्ण शिवकोटीले फेसबुकमा कु प्रचार गरेको भन्दै भ्रममा नपर्न आम सर्वसाधारण र नगरबासीलाई आग्रह गरेको छ । नगरपालिकाका प्रमुख प्रशासकीय अधिकृत राजन पौडेलले आज विज्ञप्ति मार्फत पूर्व डिएसपी कृष्ण शिवकोटीले फेसबुकमा लेखेको स्टाटस र फोटो आफ्नो नगरप्रमुखको नभएको र भ्रम छर्न खोजिएको बताउनु भएको छ ।

झापा घर भएका पूर्व डिएसपी शिवकोटीले नमोबुद्ध नगरपालिकाको प्रमुखको हो भन्दै फेसबुकमा गलत स्टाटस् लेखेर भ्रम सिर्जना गर्न खोजेको प्रति नगरपालिकाले कडा शब्दमा निन्दा र भर्त्सना गरेको छ । साथै नगरपालिकाले पूर्व डिएसपी शिवकोटीको स्टाटस प्रति आ पत्ति जनाउँदै चे तावनी समेत दिएको छ ।

पूर्व डिएसपी शिवकोटीले अस्पतालको बेडमा बिरामी महिला र सँगै उनका आफन्त । अनि ती बिरामीलाई २ जनाले १–१ वटा फ्रुटीको प्याकेट हातमा दिँदै गरेको र अर्का १ युवाले फोटो खिचिरहेको फोटो आफ्नो फेसबुक वालमा राखेर ‘बिरामीलाई नमोबुद्ध नगरपालिका प्रमुख टिपी शर्मा तिमल्सिनाले राहत बाँडे भनेर लेखिएका थिए ।

तर, उक्त फोटो न नमोबुद्ध नगरभित्रको हो, न त फोटोमा नगरप्रमुख टिपी शर्माको नै हुनुहुन्छ । नगरप्रमुख शर्मा अहिले कोरोना पोजेटिभ भएर घरमा आराम गरिरहनु भएको छ । ‘कोरोना सं कटका बेला अनाहकमा कु प्रचार गरियो, बदनाम गराउने नियत प्रष्टै देखिन्छ, म आफै कोरोना सं क्रमित भएर होम आईसोलेसनमा छु, कहाँबाट अस्पतालमा बिरामीलाई फ्रुटी खुवाउन जानु, नगरप्रमुख शर्माले भन्नुभयो ।’

नगरपालिकाले यस्ता कु प्रचार गर्ने बिरूद्ध कानुनी उपचार खोज्ने जनाएको छ । ‘नगरपालिका परिवारको चरित्र ह त्या गरी नगरको गरिमामा आँच पुगेको छ, यस्ता झुटो प्रचारप्रसार गर्नेलाई कानुन बमोजिम कारबाहीको प्रक्रियामा जानेछौं, नगरपालिकाको विज्ञप्तिमा भनिएको छ ।’

नगरपालिकाले पूर्व डिएसपी कृष्ण शिवकोटीलाई तत्काल सार्वजनिक रूममा माफी माग्न समेत आग्रह गरेको छ ।