प्रधानमन्त्री केपी शर्मा ओलीले राष्ट्रका नाममा आज दिउँसो ४ बजे सम्बोधन गर्ने हुनु भएको छ ।
प्रधानमन्त्री ओलीले दिउँसो ४ बजे सम्बोधन गर्ने तय भएको प्रधानमन्त्रीका प्रेस सल्लाहकार सूर्य थापाले जानकारी दिनुभयो ।
प्रधानमन्त्री ओलीले सरकारका प्राथमिकताहरु, नीति तथा भोलि जेठ १५ गते अध्यादेशमार्फत सरकारले ल्याउन लागेको आर्थिक वर्षको बजेटसहित समसामयिक परिस्थितिबारे सम्बोधन गर्ने बताइएको छ ।
प्रधानमन्त्रीको आजको सम्बोधनलाई बिशेष चासोका साथ हेरिएको छ । संसद विघटन गर्नुअघिको दिउँसो सम्पादकहरू, संसद विघटनको दोस्रो दिन आफ्नै भ्रातृ संगठन प्रेस चौतारी निकट पत्रकार र विदेशी सञ्चार माध्यमका पत्रकारसँग अन्तरक्रिया गरिसक्नु भएका प्रधानमन्त्री ओलीको आजको सम्बोधन सरकारको नीति तथा कार्यक्रम र बजेटमा केन्द्रीत हुने अनुमान गरिएको छ ।
Facebook Comments