सिन्धुपाल्चोकको लिसंखु स्वास्थ्य चौकी बन्द

सिन्धुपाल्चोकको  लिसंखु स्वास्थ्य चौकी बन्द गरिएको छ । स्वास्थ्य चौकीमा कार्यरत एक जना कर्मचारीमा कोरोना सं क्रमण पुष्टि भएकाले बन्द गरिएको हो ।

लिसंखु पाखर गाउँपालिका गाउँपालिका प्रमुख प्रशासकीय अधिकृत पूर्ण प्रसाद दुलालका अनुसार आजबाट जेठ १९ गतेसम्म स्वास्थ्य चौकी बन्द हुनेछ । पछिल्लो पटक लिसंखुका ६९ जनाको स्वाब संकलन गरि परीक्षणका लागि धुलिखेल पठाइएकोमा ३ जनाको रिपोर्ट प्राप्त भएको र तीनै जनामा कोरोना सं क्रमण पुष्टि भएको स्वास्थ्य शाखा प्रमुख राजु बस्नेतले जानकारी दिनुभयो ।

लिसंखु पाखर गाउँपालिकाको ७ वडाहरु मध्ये वडा नम्बर २ लिसंखु सबै भन्दा बढी प्रभावित बनेको छ । बाँकीको पनि आज रिपोर्ट आउने स्वास्थ्य शाखा प्रमुख बस्नेतले बताउनु भयो । लिसंखुमा मात्रै १८ जना सं क्रमित भै सकेका छन् ।