पाँचखाल नगरपालिकाले आफ्नै खर्चमा ४० हजार डोज को भिड भ्याक्सिन किन्ने

काभ्रेको पाँचखाल नगरपालिकाले आफ्नै खर्चमा कोरोना भाईरस विरूद्धको खोप किन्ने निर्णय गरेको छ । पाँचखाल नगरपालिका को भिड ब्यवस्थापन समितिको बैठकले ४० हजार डोज खोप किन्ने निर्णय गरेको नगर प्रमुख महेश खरेलले जानकारी दिनुभयो ।

नगरपालिकाले खोप किन्नका लागि स्वास्थ्य तथा जनसंख्या मन्त्रालयसँग स्वीकृत माग गरेको छ । नगरपालिकाले कुन कम्पनीको भ्याक्सिन किन्ने हो त्यो भने खुलाएको छैन् । नगरपालिकाले मन्त्रालयसँग एक डोज खोप बराबर पर्ने नेपाली मुल्य समेत तोकिदिन अनुरोध गरेको छ ।

आफ्नो नागरिकलाई कोरोना भाईरसबाट सुरक्षित राख्न आफ्नै स्रोतबाट खोप किन्ने निर्णय गरेको नगर प्रमुख खरेलले बताउनुभयो । सरकारले नै कोरोना भाईरस विरूद्धको खोप ल्याउन नसकिरहेका बेला सम्बत: नेपालमै स्थानीय तहले खोप किन्ने स्वीकृत माग गरेको यो पहिलो हुन सक्छ ।

मन्त्रालयलाई पठाएको पत्रमा नगरपालिकाले कुन देशबाट खोप किन्न लागेको पनि खुलाएको छैन् । ‘अहिले चीन र रसियामा रहनुभएका साथीहरूसँग खोपका विषयमा कुराकानी भइसकेको छ, मन्त्रालयले अनुमति दिए एक महिनाभित्रै खोप उपलब्ध गराउने प्रतिबद्धता समेत ती साथीहरू जनाउनु भएको छ,  मन्त्रालयले स्वीकृत र मुल्य निर्धारण गरिदियो भन यहि जेठ महिनाभित्र खोप पाँचखाल आईपुग्छ, नगरप्रमुख खरेलले भन्नुभयो ।’

नगरपालिका १८ बर्ष माथिका २० हजार जनालाई आफ्नै स्रोतबाट किने खचहोप लगाउने तयारी गरेको हो । ‘धेरै जसो बृद्ध बृद्धा, सरकार कर्मचारी, स्वास्थ्यकर्मी र  बैंकका कर्मचारीले खोप लगाईसक्नु भएको छ, त्यसैलाई आधार मान्ने हो भने १८ देखि २० हजार पाँचखालका दाजुभाई, दिदीबहिनीलाई खोप लगाउनुपर्ने हुन्छ, पहिलो र दोस्रो डोजका लागि ४० हजार खोप ल्याउने निर्णय गरेका हौँ, नगरप्रमुख खरेलले भन्नुभयो ।’

नगरपालिकामा अहिले कोरोना सं क्रमित दिनदिनै बढी रहेका छन् । नगरपालिकाणा ३५५ जना सं क्रमित छन् ।