निर्माण ब्यवसायी राम बहादुर गौतमले चौरीदेराली गाउँपालिकामा रहेको धुसेनी शिवालय प्राथमिक अस्पताललाई स्वास्थ्य सामग्री प्रदान गर्नु भएको छ । पोखरीचौरीका ब्यवसायी गौतमले आज पालिका अध्यक्ष दिनानाथ गौतमलाई स्वास्थ्य सामग्री हस्तान्तरण गर्नुभएको हो ।
ब्यवसायी गौतमले धुसेनी शिवालय प्राथमिक अस्पतालका लागि ९ थान बेड, मेडिकल मास्क ४ हजार थान, अक्सिजन सिलिण्डर ६ थान र ३० लिटर स्यानिटाजर प्रदान गर्नु भएको हो । गौतमले प्रदान गरेको स्वास्थ्य सामग्रीले कोरोना संक्रमितको सेवामा खटिएका स्वास्थ्यकर्मीलाई थप सहयोग पुग्ने पालिका अध्यक्ष दिनानाथ गौतमले बताउनुभयो ।
धुसेनी शिवालय प्राथमिक अस्पतालले जटिल बाहेकका कोरोना संक्रमितको उपचार गर्दै आएको छ । १० बडेको आईसोलेसन सहित अस्पतालले चिकित्सकीय सेवा दिएर संक्रमितको उपचार गर्दै आईरहेको छ ।
Facebook Comments