काभ्रेमा आज १९७ जना कोरोना संक्रमित थपिएका छन् । ८४ जनाले कोरोना जितेको स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर नरेन्द्र कुमार झाले जानकारी दिनुभयो ।
आज काभ्रेका दुईजना कोरोना संक्रमितको उपचारका क्रममा अस्पतालमा मृत्यु भएको छ । धुलिखेलका ५२ बर्षीय महिलाको धुलिखेल अस्पतालमा र बनेपाका ७२ बर्षीय पुरूषको शिर मेमोरियल अस्पताल बनेपामा मृत्यु भएको हो ।
जिल्लामा सबैभन्दा बढी पाँचखाल नगरपालिकाका ४१ जना पुरुष र ३५ जना महिला छन् । बनेपा नगरपालिकाका महिला र पुरुष ३३/३३ जना, धुलिखेल नगरपालिकाका २७ जना पुरुष र २३ जना महिला संक्रमित थपिएका छन् । मण्डनदेउपुर र महाभारत गाउँपालिकाका २/२ जना पुरुष र भुम्लु गाउँपालिकाका एकजना पुरुषमा संक्रमण पुष्टि भएको छ ।
योसँगै जिल्लामा कोरोना भाईरसको सक्रिय संक्रमितको संख्या २४ सय ६९ पुगेको छ । जसमध्ये अस्पतालको आईसोलेसनमा ११९ जना र होम आईसोलेसनमा २३ सय ५० रहेको स्वास्थ्य कार्यालय काभ्रेले जनाएको छ ।
Facebook Comments