बाँस्कोटाले भने ‘राष्ट्रियसभाको चुनाव भन्दा एमालेको सुरक्षित जीवनको चासो राखौँ’

पूर्व मन्त्री गोकुल बाँस्कोटाले एमालेको सुरक्षित जीवनको चासो राख्न आग्रह गर्नुभएको छ । राष्ट्रिय सभाको बागमती प्रदेशको उप निर्वाचनका लागि हेटौंडामा रहनुभएका पूर्व मन्त्री बाँस्कोटाले पार्टीको सुरक्षित जीवनको कुरा उठाएपछि एमाले विभाजनको लगभग अन्तिम अवस्थामै पुगेको अनुमान गरिएको छ ।

पार्टी अध्यक्ष एंव प्रधानमन्त्रीका एक विश्वास पात्रका रूपमा रहेका बाँस्कोटाले केहिदिन अघिमात्रै निकै तिक्तता अवस्थामा रहेका माधव नेपाल र ओलीलाई वार्तामा बस्ने वातावरण मिलाउनु भएको थियो । भोली हुने मतदानको  मुखैमा बाँस्कोटाको यो अभिब्यक्तिलाई निकै अर्थपूर्ण रुपमा हेरीएको छ । माधव समूहले एमालेका उम्मेदवार राम बहादुर थापालाई मतदान नगर्ने लगभग निश्चित जस्तै भएको अवस्थामा बाँस्कोटाको अभिव्यक्ति सार्वजनिक भएको हो ।

पूर्व मन्त्री बाँस्कोटाले केहिबेर अघि सामाजिक सञ्जालमा लेख्नुभएको ‘बाग्मती प्रदेशबाट राष्ट्रियसभामा प्रतिनिधित्व गरिने चुनाबको मानिसहरु काउण्ट-डाउन गर्न थालेका छन। तर त्यो भन्दाबढी देशको सबभन्दा ठलो पार्टी एमालेको सुरक्षित जीवनको चासो चै सोकारवालाले राखेको सत्यको कसीमा बिष्लेषण गर्नु बस्तुनिष्ठ हुने पक्का हुन्छ है ।’