पर्यटन ब्यवसायी तामाङद्वारा तेमालको ठूलाेपर्सेल स्वास्थ्य चाैकीलाई स्वास्थ्य सामाग्री प्रदान

काभ्रेको तेमाल गाउँपालिका वडा नम्बर ६ ठूलाेपर्सेलका नेपाल कम्युनिष्ट पार्टी माओबादी केन्द्रका युबा नेता निर बहादुर तामाङले ठूलाेपर्सेल स्वास्थ्य चाैकीलाई औषधि लगायत अतिआवश्यक स्वास्थ्य सामाग्री सहयोग गर्नुभएको छ । (PEACE NEPAL TREKS) का निर्देशक समेत रहनुभएका तामाङले आज स्वास्थ्य सामग्री हस्तान्तरण गर्नुभएको हो ।

पर्यटन ब्यवसायी तामाङले रुघाखोकी, ज्वरो, जिउ दुख्ने, टाईफईटका औषधीका साथै स्वास्थ्यकर्मीका लागि आवश्यक सुरक्षा सामग्री वडाध्यक्ष एबं ठूलाेपर्सेल स्वास्थ्य चाैकीका संयाेजक बिकुलाल तामाङलाई हस्तान्तरण गर्नुभएको हो । स्वास्थ्य सामाग्रीले कोरोना भाईरसको संक्रमणसँग जुध्न स्वास्थ्यकर्मी र आफुलाई समेत हौसला मिलेको वडाध्यक्ष तामाङले बताउनुभयो ।

समाजसेवी निर बहादुर तामाङले यसअघि पनि वडाले गरेकाे बिभिन्न महत्वपुर्ण कार्यक्रमहरूमा सहयोग गर्दै आइरहनु भएको छ । नयाँ भेरिएण्ट सहितकाे काेराेना भाइरसकाे महामारी रोकथाम र नियन्त्रण गर्न प्रत्येक नागरिककच दायित्व रहेको बताउँदै समाजसेवी तामाङले यसरी आफ्नै ठाउँमा सहयोग गर्न पाउदा निकै खुसी लागेको बताउनुभयो । ‘महामारीमा जोखिम मोलेर जनप्रतिनिधि तथा स्वास्थ्यकर्मी आफ्नो जिम्मेवारी र दायित्व निभाईरहनु भएको छ, यसमा सबैले आ-आफ्नो ठाउँबाट सकेसम्मकाे सहयाेग गरे याे महामारी निर्मुल गर्न कठिनाइ हुँदैन, तामाङले भन्नुभयो ।’