रोशी गाउँपालिकाका सबै स्वास्थ्यकर्मीले प्रोत्साहन भत्ता ५० प्रतिशत पाउने

काभ्रेको रोशी गाउँपालिकाले सबै स्वास्थ्यकर्मीलाई ५० प्रतिशत प्रोत्साहन भत्ता उपलब्ध गराउने निर्णय गरेको छ । पालिका अध्यक्ष डिबी लामा आज एक सूचना मार्फत सबै स्वास्थ्यकर्मीलाई प्रोत्साहन भत्ता ५० प्रतिशत उपलब्ध गराउने जानकारी गराउनु भएको हो ।

अध्यक्ष लामाका अनुसार आईसोलेसनमा र कन्ट्रयाक्ट ट्रेसिङमा खटिएका कर्मचारीलाई थप दैनिक भत्ताको समेत ब्यवस्था गरिनेछ । सबै स्वास्थ्यकर्मीले सुरूको तलबमा ५० प्रतिशत भत्ता पाउनेछन् । पालिका सबै स्वास्थ्यकर्मीलाई उच्च मनोबलका साथ काम गर्न सबै स्वास्थ्यकर्मीलाई आग्रह गरेको छ ।

पालिका अध्यक्ष लामाले आफ्नो ज्यानको समेत कुनै प्रवाह नगरी कोरोना संक्रमितको उपचार, देखदेखमा खटिएका स्वास्थ्यकर्मी प्रति उच्च सम्मान ब्यक्त गर्दै कार्यस्थलको सुरक्षा र सामग्रीको अभाव भए तत्काल गाउँपालिकालाई खबर गर्न आग्रह गर्नुभयो ।