धुलिखेल नगरपालिकाको कुन वडामा कति छन् संक्रमित ?

धुलिखेल ३१ बैशाख: काभ्रे जिल्लाको सबैभन्दा बढी कोरोना संक्रमित रहेको  दोस्रो नम्बरमा धुलिखेल नगरपालिका पर्छ । धुलिखेल नगरपालिकाका १२ वटै वडामा संक्रमण फैलिएको छ । सबैभन्दा बढी प्रभावित वडा नम्बर ४ मा ५१ जना संक्रमित छन् भने १ जनाको मृत्यु भएको छ ।

त्यस्तै वडा नम्बर ७ मा ५० जना संक्रमित छन्, १ जनाको मृत्यु भएको छ । वडा नम्बर ११ मा ४३ जना संक्रमित छन् भने २ जनाको मृत्यु भएको  धुलिखेल नगरपालिकाको स्वास्थ्य शाखाले जनाएको छ ।

वडा नम्बर ५ मा २९ जना संक्रमित छन् भने १ जनाको मृत्यु भएको छ । वडा नम्बर ६ मा ३९ जना, ३ मा २२ जना ८ मा १७जना, ९ मा १५ जना संक्रमित छन्र भने १ जनाको मृत्यु भएको छ । वडा नम्बर १ मा ८ जना संक्रमित छन्, एक जनाको संक्रमितको मृत्यु भएको छ । वडा नम्बर १० मा ८ जना संक्रमित रहेका छन् । वडा नम्बर २ मा ६ जना र वडा नम्बर ८ मा १० जना संक्रमित रहेका छन् ।

अन्यत्र घर भई धुलिखेल नगरपालिकामा बस्ने ६३ सहित हालसम्म ३६१ जना संक्रमित छन् । कोरोना भाईरसको दोस्रो लहर सुरू भएयता धुलिखेल नगरपालिकाका मात्रै ७ जनाको मृत्यु भईसकेको छ । 

अस्पतालको आईसोलेसन १३ जना उपचार गराईरहेका छन् । ४ जना सञ्जीवनी आईसोलेसनमा र २९३ जना होम आईसोलेसनमा छन् । हालसम्म ४४ जना कोरोना भाईरस मुक्त भएका छन् ।