चौरीदेराली गाउँपालिकामा ‘एन्टिकोभिड स्वयंसेवक टिम’ तयार

धुलिखेल २९, बैशाख: काभ्रेको चौरीदेराली गाउँपालिकामा ‘एन्टिकोभिड स्वयंसेवक टिम’ तयार गरिएको छ । कोरोना भाईरसको उच्च जोखिमको आंकलन गरी चौरीदेउराली गाउँपालिकामा केही युवाहरूको सक्रियता र अञ्जित गौतमको योजनामा
‘एन्टिकोभिड स्वयंसेवक टिम’ तयार पारिएको हो । गाउँपालिकाको अधिनमा रहेर यो टिमले यी काम गर्नेछ ।

१. शंकास्पद वा संक्रमितहरुको प्रत्यक्ष सम्पर्कमा रही काम गर्नु परेमा उच्च सतर्कता सहित अवस्था सम्हाल्ने र स्वास्थ्यकर्मीहरूलाई सघाउनेछ ।
२. गाऊँमा आईसोलेसनमा बस्न प्रचार प्रसार, सामाजिक चेतनामा परिचालित हुनेछ ।
३. एम्बुलेन्स चालकको वैकल्पिक रूपमा काम गर्ने ।
४. अस्पतालमा गैर चिकित्सकिय सहयोगी व्यक्तिका रूपमा खटिने ।
५. स्वाब संकलन र ल्याबसम्म लैजान आवश्यक सहयोग गर्ने ।
६. निषेधाज्ञा कार्यान्वयन गर्न सुरक्षाकर्मीलाई सहयोग गर्ने ।
७. कोरोना संक्रमितको मृत्यु भईहालेमा घर परिवार र आफन्तको जोखिम न्यूनिकरणका लागि सावधानीपूर्वक दाहसंस्कारमा सहयोग गर्ने ।
८. कोरोना संक्रमित बिरामीको ओसारपसार र हेरचाह गर्न स्वास्थ्यकर्मी र परिवारलाई आवश्यक सहयोग गर्ने ।

‘एन्टिकोभिड स्वयंसेवक टिम’ का योजनाकार अञ्जित गौतमका अनुसार यस्तै समूह पालिकाका सबै वडामा गठन गरिनेछ । वडा नम्बर ५ बाट यो अभियानको सुरुवात गरिएको गौतमले जानकारी दिनुभयो । यी सबै सेवा प्रवाह निःशुल्क गर्दा व्यक्तिगत खर्च खाना, खाजा, पानी, यातायात, खर्च सम्वन्धीत स्वयमसेवकले बेहोर्नु पर्ने छ ।