रेडक्रस काभ्रेको तदर्थ समितिमा को-को परे ?

२७ बैशाख, धुलिखेल: नेपाल रेडक्रस सोसाइटी काभ्रे शाखाको तदर्थ समिति गठन भएको छ । पटक पटक विवादमा पर्दै आएको रेडक्रस काभ्रेमा १५ सदस्यीय तदर्थ समिति गठन गठन भएको हो ।

तदर्थ समिति गठनको संयोजकमा पाँचखालका नारायण ढुंगाना रहनु भएको छ । त्यस्तै उप संयोजकमा टुकुचा नालाका विदुर प्रसाद घिमिरे, पनौतीका विजयराम कर्माचार्य सचिव, बनेपाका कमल घिमिरे कोषाध्यक्ष, पनौतीको प्रदिप सापकोटा उप सचिव र साँगाका निलम श्रेष्ठ उप कोषाध्यक्षमा रहनु भएको छ ।

त्यसैगरी सदस्यहरूमा बनेपाका कुमार कार्की, तेमालका हेमलाल तामाङ, मण्डनदेउपुरका बिष्णुमणी नेपाल, पाँचखालका झम्कप्रसाद गौतम, रोशीका ईन्द्रलाल तामाङ, बनेपाका गीता कुँवर, मण्डनदेउपुरका सुभद्रा नेपाल, पनौतीका मुकुन्द अर्याल र धुलिखेलका दयालक्ष्मी श्रेष्ठ रहनु भएको छ ।

रेडक्रस सोसाइटीका महामन्त्री पिताम्बर अर्याल अर्को ब्यवस्था नहुँदासम्मका लागि तदर्थ समितिले जिल्ला शाकाको काम कारबाही गर्ने बताउनुभयो । विवादकै कारण लामो समयदेखि जिल्ला अधिवेशन समेत हुन सकेको छैन । अघिल्लै बर्ष अधिवेशन हुनु पर्ने थियो । तर यो पटक पनि अधिवेशनबाट नभई रेडक्रस केन्द्रले तदर्थ समितिलाई कामको जिम्मेवारी दिएको हो ।