काभ्रेमा १२८ नयाँ संक्रमित थपिए, २ जनाको मृत्यु

२७ बैशाख, धुलिखेल: काभ्रेमा आज एकैदिन १२८ जना संक्रमित थपिए छन् । २ जनाको मृत्यु भएको छ । स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर नरेन्द्र कुमार झाका अनुसार आज मृत्यु हुनेका पनौतीका २४ बर्षीय पुरूष र भक्तपुरका ६५ बर्षीय पुरूषको उपचारको क्रममा धुलिखेल अस्पतालमा मृत्यु भएको हो ।

त्यस्तै हिजो साँझ शिर मेमोरियल अस्पतालमा उपचारकै क्रममा बनेपाका ४५ बर्षीय एक पुरुषको पनि मृत्यु भएको छ । योसँगै काभ्रे जिल्लाका मात्रै  कोरोना भाईरसको पहिलो र दोस्रो लहरमा संक्रमितपछि ६५ जनाको मृत्यु भईसकेको छ ।

आज सबैभन्दा बढी बनेपा नगरपालिकाका २८ जना पुरुष र २० जना महिला, धुलिखेल नगरपालिकाका १९ जना पुरुष र १८ जना महिला संक्रमित थपिएका छन्का । त्यसैगरि गरी पनौती नगरपालिकाका १० जना पुरुष र ८ जना महिला, पाँचखाल नगरपालिकाका ४ जना पुरुष र १ जना महिला, मण्डनदेउपुर नगरपालिकाका ४ जना महिला र २ जना पुरुष, नमोबुद्ध नगरपालिकाका ६ जना पुरुष र ४ जना महिला, चौरीदेराली गाउँपालिकाका २ जना पुरुष, तेमाल र भुम्लु गाउँपालिकाका महिला र पुरुष  १/१ जना छन् ।

यो सँगै कोरोना भाईरसको दोस्रो लहर फैलिएपछि जिल्लामा संक्रमित हुनेको संख्या १ हजार २ सय १२ पुगेको छ । जसमा ४६ जना अस्पतालको आईसोलेसन र ११७२ जना होम आईसोलेसनमा छन् ।