२६ बैशाख, धुलिखेल: पाँचखाल नगरपालिका र भुम्लु गाउँपालिकाले ५० बेड क्षमताको संयुक्त आईसोलेसन सञ्चालन गर्ने भएका छन् । संयुक्त आईसोलेसन सञ्चालन गर्ने विषयमा दुबै पालिका बीच आज सहमति पत्रमा हस्ताक्षर समेत भएको छ ।
सहमति अनुसार दुबै पालिकाले अक्सिजन सहितको ५० बेडको आइसुलेसनमा सञ्चालन गरिनेछ । पाँचखाल नगरपालिकाको वडा नम्बर ४ र ३ मा रहेको सभाहलमा आईसोलेसन बनाईने छ । हाल पाँचखाल नगरपालिकाले समाज कल्याण प्राविमा १५ बेड अक्सिजन सहितको आईसोलेसन सञ्चालन गरिरहेको छ । जसमा २ जना महिला आइसुलेसनमा बसेका छन् ।
ओईसोलेसनको दुबै पालिकाले आधा-आधा ब्यवस्थापन खर्च बेहोर्ने छन् । स्वास्थ्य कर्मी, आईसोलेसन बेड, अक्सिजन, गम्भीर विरामीको उपचार पनि दूबै पालिकाको समन्वयमा हुनेछ ।
काभ्रेकै नमोबुद्ध नगरपालिका र रोसी गाउँपालिकाले पनि भुकण्डेमा अक्सिजन सहितको ४० बेडको आईसोलेसन संयुक्त रूपमा सञ्चालन गरेका छन् ।
Facebook Comments