२६ बैशाख, धुलिखेल: काभ्रेमा होम आईसोलेसनमै संक्रमितको मृत्यु हुन थालेको पाईएको छ । धुलिखेल नगरपालिका वडा नम्बर ११ मा होम आईसोलेसनमा रहेका दुई जना संक्रमितको मृत्यु भएको हो ।
होम आईसोलेसनमा रहेका ५७ र २७ बर्षीय दुई पुरुषको मृत्यु भएको हो । होम आईसोलेसनमै बसेकाको मृत्यु भएपछि जिल्लामा कोरोना संक्रमणको अवस्था थप जटिल बनेको पुष्टि हुन्छ ।
मृत्यु भएका ५७ बर्षीय पुरूष धुलिखेल अस्पतालमा उपचारपछि निको भएर तीन अघि मात्रै घर पुगेका थिए । २७ बर्षीय पुरुषलाई भने उपचार सम्भव नहुने भन्दै अस्पतालले घर पठाएको बताईएको छ । कोरोना संक्रमितका लागि अहिले जिल्लाका दुई ठूला अस्पतालले एउटा पनि बेड नभएको बताउने गरेका छन् ।
काभ्रेमा सक्रिय संक्रमितको संख्या १ हजार नाघिसकेको छ । जसमा अधिकांश संक्रमित होम आईसोलेसनमै छन् । होम आईसोलेसनमा लक्षण कम भएका मात्रै संक्रमित बस्ने हो । तर अस्पतालमा बेड नभएपछि पछि अस्पताल आईसकेका संक्रमित समेत घर जाने गरेका छन् । जस स्थिती भयावह बन्ने देखिन्छ ।
Facebook Comments