काभ्रेमा १६ जना संक्रमित निको भए, ७० जना थपिए

काभ्रेमा एकैदिन थपिए ७० जना संक्रमित थपिए छन् । १६ जना निको भएको स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर नरेन्द्र कुमार झाले  जानकारी दिनुभयो ।

आज एक जनाकोमृत्यु भएको छ । बनेपा नगरपालिकाका ४० बर्षीय एक पुरुषको उपचारका क्रममा शिर मेमोरियल अस्पताल बनेपामा मृत्यु भएको हो । त्यस्तै हिजो उपचारको क्रममा धुलिखेल अस्पतालमा मृत्यु भएका धुलिखेल नगरपालिकाका ६१ बर्षीय पुरुषमा पनि कोरोना पुष्टि भएको छ ।

आज थपिएका संक्रमितमा सबैभन्दा बढी पनौती नगरपालिकाका  २० जना महिला र ९ जना पुरुष छन् । बनेपा नगरपालिकाका १० जना पुरुष र ६ जना महिला, धुलिखेलमा नगरपालिकामा ८ जना पुरुष, ३ जना महिला संक्रमित थपिएका छन् ।

त्यस्तै मण्डनदेउपुरका ४ जना पुरुष, १ जना महिला, पाँचखाल नगरपालिकाका  २ जना पुरुष, १ जना महिला, रोशी गाउँपालिकाका १ जना महिला र भुम्लु गाउँपालिकाका १ जनामा कोरोना संक्रमण पुष्टि भएको छ । त्यसैगरी आज थपिएकामा  तेमाल र बेथानचोक गाउँपालिकाका २/२ जना पुरुष थपिएका छन् ।

यो सँगै कोरोना भाईरसको दोस्रो लहर फैलिएपछि जिल्लामा संक्रमित हुनेको संख्या ९६४ पुगेको छ । जसमा ४० जना अस्पतालको आईसोलेसन र ९२४ जना होम आईसोलेसनमा छन् ।