पनौतीमा थपिए ३६ जना संक्रमित

२३ बैशाख, धुलिखेल: पनौती नगरपालिकामा ३६ जना नयाँ संक्रमित थपिएका छन् । ४७ जनाको स्वाब परीक्षण गरिएको मध्ये ८ पुरुष र २८ महिला गरि जम्मा ३६ जनामा कोरोना संक्रमण पुष्टि भएको नगरपालिकाको स्वास्थ्य शाखाले जनाएको छ ।

आज बिहान थपिएका सहित पनौतीमा सक्रिय संक्रमितको संख्या १८६ पुगेको छ । पनौती वडा नम्बर १० खोपासी क्षेत्र सबैभन्दा बढी प्रभावित छ । यो क्षेत्रमा लगाइएको शिल अझै हटाईएको छैन ।