सिन्धुपाल्चोकका ७ पालिकामा निषेधाज्ञा सुरू

२३ बैशाख, धुलिखेल: सिन्धुपाल्चोक जिल्लाको ७ वटा पालिका निषेधाज्ञा लागु भएको छ । आज विहान ६ बजेबाट शुरु भएको निषेधाज्ञा यहि बैशाख ३१ गते रातको १२ बजेसम्म कायम हुनेछ ।

जिल्ला प्रशासन कार्यालय सिन्धुपाल्चोकले जारी गरेको निषेधाज्ञा चौतारा साँगाचोकगढी नगरपालिका, बलेफी गाउँपालिकाका, बाह्रबिसे नगरपालिका, मेलम्ची नगरपालिका, लिसंखु पाखर गाउँपालिका, जुगल गाउँपालिका, हेलम्बु गाउँपालिका र भोटेकोशी गाउँपालिकामा तोकिएको छ । निषेधाज्ञा सुरू भएपछि एम्बुलेन्स जस्तै अत्यावश्यक सवारी चलाउने पाईने छैन ।

निषेधाज्ञा अरनिको राजमार्गको बन्दउदेखि चीनको सिमानामा त्यतिसम्म दायाँ र बायाँ ५ सय मिटर, खाडिचौर जारी सडकको मुडेसम्म दायाँ र बायाँ ५ सय मिटरसम्म कायम रहनेछ । सिन्धुपाल्चोक जिल्लामा पनि कोरोना भाईरसको दोस्रो लहर तीव्र गतिमा फैलिए रहेको छ । जसमा चौतारा साँगाचोकगढी नगरपालिका नराम्रोसँग प्रभावित बनेको छ । दुई जनाको कोरोना संक्रमणकै कारण मृत्यु भईसकेको छ ।

निषेधाज्ञामा घर बाहिर हिडडुल गर्न पाइँदैन । सभा, सम्मेलन, गोष्ठी सञ्चालन गर्न जस्ता मानिसको भिड हुने कुनै पनि गतिविधि गर्न पाइँदैन । त्यस्तै ब्यूटी पार्लर, होटल, पाटी प्यालेस, सिनेमा हल जस्ता अति आवश्यक सेवा भित्र नपर्ने पसल खोल्न पाईने छैन । निषेधाज्ञा पालना नगरिमा कानुन बमोजिम कारबाही समेत हुने जिल्ला प्रशासन कार्यालय सिन्धुपाल्चोकले जनाएको छ ।