२० बैशाख, धुलिखेल: काभ्रेको बेथानचोक गाउँपालिका वडा नम्बर ५ का किसानको आलु बाली डोजरले पुरिएको छ । लड्कु खोला छेउछाउका किसानले लगाएको आलु बाली डोजरले पुरिदिएको हो ।
बेथानचोक गाउँपालिका वडा नं ५ अन्तर्गत निर्माणधिन च्याल्टी-टाङिडोल हुँदै पौवा जाने सडकमा प्रयोग गरिएको डोजरले जथाभावी ढुंगा माटो आफुहरूको आलु बाली माथि फालिदिएको किसान दिपक खत्रीले बताउनुभयो ।
बिना कुनै सुचना डोजरले धमाधम आलुबाली पुरिदिएपछि किसानहरू चिन्तित भनेका छन् । किसान राजकुमार के.सी, दिपक खत्री, अशोक खत्री र नवराज खुलालले लगाएको आलुबाली डोजरले पुरिएको हो । घरभित्र्याउने बेला भएको आलुबालीमा क्षति पुगेपछि किसानले पालिका अध्यक्ष प्रेम बहादुर तिमल्सिना र वडाध्यक्ष खजेन्ची लामाको ध्यानाकर्षण समेत गराएका छन् ।
किसानहरूले पालिका र वडा कार्यालयको हेल्चेक्राई र बल मिचाइ तत्काल बन्द गर्न समेत आग्रह गरेका छन् । उनीहरूले सडक बनाउनु राम्रो भएपनि बालीधनीलाई कुनै जानकारी नदिन एक्कासी जथाभावी डोजरले ढुंगा माटो फाल्दा आफुहरूले ठूलो नोक्सानी बेहोर्नु परेको बताएका छन् ।
Facebook Comments