काभ्रेमा एकैदिन थपिए ९७ जना संक्रमित, एक जनाको मृत्यु

१८ बैशाख, धुलिखेल: काभ्रेमा एकैदिन अहिलेसम्मकै धेरै जनामा कोरोना संक्रमण पुष्टि भएको छ । जिल्लामा आज ९७ जनामा संक्रमण पुष्टि भएको स्वास्थ्य कार्यालय काभ्रेले जनाएको छ । यो संख्या कोरोना भाईसकेको दोस्रो लहर फैलिए  यताकै धेरै हो ।

आजै धुलिखेल अस्पतालमा चौरीदेराली गाउँपालिका ७० बर्षीय एक संक्रमितको मृत्यु भएको छ । योसँगै मृतकको संख्या काभ्रेका मात्रै दोस्रो लहर अन्तर्गत ३ जना पुगेको छ ।

आज सबैभन्दा बढी बनेपा नगरपालिकाका १६ जना पुरुष र १४ महिलामा कोरोना संक्रमण पुष्टि भएको छ । त्यस्तै पनौतीका १५ जना पुरुष, १२ महिला धुलिखेल नगरपालिकाका १२ जना पुरुष र ७ जना महिलामा संक्रमण पुष्टि भएको छ ।

पाँचखाल नगरपालिका ६ जना पुरूष, २ जना महिला, नमोबुद्ध नगरपालिकाका महिला र पुरुष ३/३ जना छन् । मण्डनदेपुर नगरपालिका, भुम्लु, चौरीदेराली, रोशी, तेमाल, महाभारत र बेथानचोक गाउँपालिकाका १/१ पुरूष संक्रमित भएको स्थास्थ्य कार्यालय काभ्रेले जनाएको छ ।

योसँगै जिल्लामा संक्रमितको संख्या ४०७ पुगेको छ । जसमा १४ जना अस्पतालको आईसोलेसनमा छन् भने बाँकी ३९३ जना होम आईसोलेसनमा छन् ।