अरनिको र बीबी राजमार्ग पनि सुनसान

१६ बैशाख, धुलिखेल: उपत्यकाकामा निषेधाज्ञा लागु भएसँगै अरनिको र बीपी राजमार्ग पनि सुनसान बनेका छन् । अघिल्लो दिनको तुलनामा आज काभ्रे हुँदै राजधानीबाट बाहिरिने सवारी साधन नगन्य मात्रामा छन् ।

राती अबेर सम्म पनि दुवै राजमार्गमा सवारी चाप थियो । तर अहिले बिहान सुनसान बनेका हुन् । तरकारी बोक्ने, तेल ढुवानी गर्ने, एम्बुलेन्स, प्रहरी लगायत अत्यावश्यक सवारी र पास लिएका सवारी साधन उपत्यका प्रवेश गरेका छन् ।

धुलिखेल, बनेपा, भकुण्डे, पाँचखाल लगायतका ठाउँबाट साँगासम्म सार्वजनिक यातायात चलेपनि यात्रुको संख्या ज्यादै कम छ ।

वितेको दुई दिन ट्राफिक बनेपालाई राजमार्गमा सवारी ब्यवस्थापन गर्न निकै हम्मे हम्मे परेको थियो ।