१५ बैशाख, बनेपाः काभ्रे प्रतिनिधिसभा १ को प्रदेशसभा ‘ख’ बाट निर्वाचित बागमती प्रदेश सांसद चन्द्र लामा प्रदेश सरकारको मन्त्री बन्नु हुने भएकाे छ । स्रोत अनुसार मुख्य मन्त्री डोरमणी पौडेले आज विस्तार गर्ने मन्त्री परिषद्मा लामा मन्त्री बन्नु हुने भएकाे हाे ।
यसअघि पनि पटक पटक लामाको नाम मन्त्रीका लागि चर्चामा आइरकेको छ । लामा प्रधानमन्त्री निकट सांसद मानिनु हुन्छ । नयाँ मन्त्रीहरूकाे मन्त्रालय भने टुंगाे लागिसकेकाे छैन ।
विस्तारित मन्त्री परिषद्मा सिन्धुपाल्चोकबाट सरेश नेपाल, दोलखाका सरस्वती बस्नेत र नुवाकोटका केशव पाण्डे मन्त्री बन्नुहुनेछ ।
त्यस्तै धादिङका डाक्टर रामकुमार अधिकारी, सिन्धुलीका प्रदीप कटुवाल र काठमाण्डौका जुनेली श्रेष्ठ राज्यमन्त्री बन्नुहुनेछ । नवनियुक्त मन्त्री र राज्यमन्त्रीहरुलाइ आज ४ बजे प्रदेश प्रमुख विष्णुप्रसाद प्रसाईले सपथ खुवाउने कार्यक्रम तय भएको स्रोतको दाबी छ ।
Facebook Comments