१४ बैशाख, धुलिखेलः जिल्लामा कोरोना संक्रमितको संख्या ह्वात्तै बढेपछि काभ्रे प्रहरीले मास्क वितरण अभियानलाई तीब्र पारेको छ । अहिले जिल्लामा जनपथ प्रहरी र शसस्त्र प्रहरीले मास्क वितरण अभियान चलाएका हुन् ।
‘तपाईको मास्क खोई’ भन्ने कार्यक्रम नै बनाएर प्रहरीले जिल्लाको बढी जनसंख्या रहेको धुलिखेल, बनेपा, पनौती, पाँचखाल र नमोबुद्ध नगरपालिकाको बजार क्षेत्रमा मास्क वितरणलाई तिब्रता दिएको हो । मास्क वितरणमा प्रहरीका अधिकृतहरु नै खटिने गरेका छन् ।
प्रहरीले कोरोना भाइरसबाट जोगिन अत्यावश्यक काम बाहेक घर बाहिर ननिस्कन, निस्कनै परे मास्क अनिवार्य लगाउने, साबुन पानीले बेला बेला हात धोइरहन र भिडमा नजान सम्झाइ बुझाई गर्ने गरेको छ । प्रहरीले सार्वजनिक सवारी साधनमा सवार यात्रुलाई समेत मास्क दिने र कोरोना भाइरसबाट जोगिने उपाय सम्झाउने गरेको छ ।
काभ्रेमा दुई प्रहरी संगठनले १ हजार ४९ थान मेडिकल मास्क वितरण गरेको छ । प्रहरीले मास्क नलगाई हिड्ने २५ जनालाई प्रतिब्यक्ति १ सय रुपैयाँका दरले जरिवाना समेत तिराएको छ ।
Facebook Comments