क्यान काभ्रेको अध्यक्षमा न्यौपाने

कम्प्युटर एशोसियसन अफ नेपाल (क्यान) महासंघ काभ्रेको अध्यक्षमा रामचन्द्र न्यौपाने चयन हुनुभएको छ ।

क्यान महासघं काभ्रेको १८ औ साधारण सभा तथा १० औ अधिवेशनबाट अध्यक्षमा न्यौपाने निर्विरोध निर्वाचित चयन हुनुभएको हो ।

अधिवेशनले बरिष्ठ उपाध्यक्षमा श्रवण कुमार आचार्य, उपाध्यक्षमा दिपक सापकोटा, सचिवमा देवकी आचार्य, कोषाधक्ष्यमा केवल प्रसाद तिमल्सिना र सहसचिवमा रुकेश राजभण्डारी निर्विरोध निर्वाचित हुनुभएको छ ।

यस्तै सदस्यहरुमा ऋषिराम गौतम, रिता श्रेष्ठ, विवेक तिमल्सिना, श्याम गोपाल श्रेष्ठ, अवोध भुषण खोजु श्रेष्ठ, उज्वल थापा मगर, प्रकाश पौडेल, उमेश अधिकारी निर्विरोध निर्वाचित हुनुभएको छ ।

कार्यक्रममा प्रमुख अतिथि बनेपा नगरपालिकाका प्रमुख शान्ति रत्न शाक्य हुनुहुन्थ्यो । कार्यक्रममा नगरप्रमुख शाक्यले बनेपा नगरपालिकालाई स्मार्ट फर्म बनाउने योजना रहेको बताउनुभयो । काभ्रेमा रहेका युवाहरुलाई आइटि सम्बन्धी ज्ञान दिनका लागि क्यान महासंघले छिटो भन्दा छिटो अगाडि बढ्नु पर्ने बताउनुभयो ।

प्रमुख शाक्यले क्यानमा आबद्ध १५२ जना सदस्यहरु सधै सक्रिए भएर अगाडि बढ्न सुझाव दिदै अहिले नेपालमा प्रविधि विकास तिव्र रुपमा अगाडि बढिरहेको बेला युवाहरुलाई आईटी सम्बन्धी ज्ञान दिन अत्यन्तै आवश्यक रहेको बताउनुभयो ।

बिशिस्ट अतिथि क्यान महासंघ केन्द्रीय उपाध्यक्ष रंजित पोदारले देश भरि नै क्यानको सक्रियतामा डिजिटल माध्यमबाट सूचना प्रबिधिको विकास गर्नुपर्ने बताउनुभयो ।

कार्यक्रममा नेपाल सिइओ कम्पनीका प्रमुख प्रकाश खतिवडाले डिजिटल मार्केटिङ र यसको फाइदाका बारेमा जानकारी गराउनु भएको थियो । क्यान महासंघ केन्द्रीय सचिब तथा क्यान काभ्रेका पूर्व अध्यक्ष शेखर नाथ दुलालले आफु केन्द्रमा भएता पनि क्यान काभ्रेको हरेक गतिबिधिमा सहभागी हँुदै आएको र आगामी दिनमा पनि काभ्रेलाई सूचना प्रबिधिमा आगाडी बढाउन सधै तत्पर रहेको बताउनुभयो ।

कार्यक्रमका अतिथीलाई ऋषि राम गौतमले स्वागत गर्नुभएको थियो भने भने क्यान महासंघ जिल्ला शाखाका सचिव देवकी आचार्यले संस्थाको वार्षिक प्रतिवेदन पेश गर्नुभएको थियो ।