शिव हुमागाईले खुलाए हार्नुको भित्री कुरा, यस्तोसम्म भएको रहेछ पार्टीभित्र

नेपाली कांग्रेसका नेता शिव प्रसाद हुमागाईले आफु काभ्रे प्रतिनिधि सभा निर्वाचन क्षेत्र नम्बर २ मा पराजय हुनुको कारण खुलाउनुभएको छ ।

आज गठबन्धनका उम्मेदवारहरुको विजयी र्यालीपछि आयोजित कोण सभालाई सम्बोधन गर्दै हुमागाईले आफुलाई काभ्रे २ नम्बर क्षेत्रका मतदाता जिताएको जिकीर गर्दै पार्टीभित्रैको समस्याका कारण हार ब्यहारेको बताउनुभएको हो ।

‘मलाई काभ्रे निर्वाचन क्षेत्र नम्बर २ का मतदाताले जिताउनुभएको हो । तर कांग्रेस पार्टीकै आन्तरिक ब्यवस्थापन गर्न नसक्दा हारे ब्यहोर्नु पर्यो कुरा प्रष्ट छ । निर्वाचनको प्रारम्भदेखी मलाई ठूलो चक्रब्यूह र घेराबन्दीमा राखिएको थियो । हुमागाईले भन्नुभयो ।’

हुमागाईले गठबन्धनका अन्य दलका कारण नभै आफ्नै दललाई ब्यवस्थापन गर्न नसक्दा हार्नु परेको बताउनुभयो । ‘निर्वाचनमा कतै हलचल नै गर्न नसक्ने गरी चक्रब्यूहमा राखिएको थियो । तर काभ्रेली मतदाता, लोकतान्त्रिक बाम गठबन्धनका साथीहरु र नेपाली कांग्रेसका इमान्दार एवं नैतिक साथीहरुको जगमा निर्वाचनलाई कडा प्रतिस्पर्धामा लैजना सफल भएको हौँ । त्यसका लागि इमान्दार मतदाता र गठबन्धन दललाई आभार ब्यक्त गर्न चाहान्छु, धन्यवाद दिनु चाहान्छु । हुमागाईले भन्नुभयो ।’

हुमागाईले आफु बाँचुञ्जेलसम्म र शरीरले साथ दिएसम्म निर्वाचनका बेला बोलेका कुराहरु पुरा गर्ने बताउनुभयो । काभ्रेको विकास र काभ्रेली जनताको दुःख, सुखमा मेरो निरन्तर साथ रहनेछ । यो हारबाट म कदाबी विचलित हुने छैन् । नैतिक, आर्दश र निष्ठाको राजनीति गर्न र सुशासन कायम गर्न प्रतिबद्ध छु । म पछि हट्ने छैन् । हुमागाईको भनाई छ ।’

हुमागाईले निर्वाचन अघि मत माग्न घर घर पुगे जस्तै मतदातालाई धन्यवाद दिन पुनः घर घरमै जाने बताउनुभयो ।