३ बैशाख, धुलिखेलः नेकपा एमाले पाँचखाल नगर कमिटिको बैठकले महत्वपूर्ण निर्णय गरेको छ । आज बसेको नगर कमिटी बैठकले पाँच बुदेँ निर्णय गरेको एमाले नेता कञ्चन अधिकारीले जानकारी दिनुभयो ।
जिल्ला अधिबेशन आयोजक कमिटीमा पाँचखाल नगरबाट प्रतिनिधित्व गर्ने सदस्य तथा नगरपालिका परिषद सदस्यहरुको संयुक्त बैठकले कमिटी गठन गर्न बाँकी रहेका वडाहरुमा यहि महिनाभित्र गठन गरिसक्ने निर्णय गरेको छ । पालिकाको ८ वटा वडामात्रै एमालेको वडा कमिटि छ ।
त्यस्तै बैठकले असार मसान्तसम्म पार्टी सदस्यता नवीकरण,अद्यावधिक र नँया सदस्यता वितरण गर्ने निर्णय गरेको छ । नेता अधिकारीका अनुसार बैठकले नगर स्तरीय सबै जनसंगठन निर्माण गर्ने र अनेमसंघको भेला बैशाख २५ गते गर्ने निर्णय गरेको छ । त्यसैगरी निर्वाचन आयोगमा छुटेकाको फोटो खिचाउन पहलकदमी लिने,जनताको प्रत्यक्ष सरोकार र बिकास निर्माणका बिषयमा पहलकदमी लिने र नेतृत्व लिने बैठकले निर्णय गरेको छ ।
पाँचखाल नगरपालिकामा पनि एमालेको स्पष्ट दुई धार देखिन्छ । पाँचखालमा तुलनात्मक रुपमा ओली समूह बलियो देखिएको छ ।
Facebook Comments