काभ्रेका स्थानीय तहका प्रमुखहरु एकपछि अर्को कोरोना भाइरसबाट संक्रमित

धुलिखेल, १७ कात्तिकः काभ्रेमा पछिल्लो समयमा तीब्र गति लिइरहेको कोरोना भाइरसबाट स्थानीय तहका प्रमुखहरु पनि धमाधम संक्रमित भएका छन् । पछिल्लो पटक बेथानचोक गाउँपालिकाका प्रमुख प्रेम बहादुर तिमिल्सिना संक्रमित भएसँगै संक्रमित हुने स्थानीय तहका प्रमुखको संख्या ४ पुगेको छ ।

धुलिखेल नगरपालिकाका प्रमुख अशोक कुमार ब्याञ्जु श्रेष्ठ कोरोना भाइरस मुक्त हुनुभएको छ । प्रमुख ब्याञ्जु होम आइसोलेसनमा बसेको १६ दिनपछि कोरोना भाइरस मुक्त हुनुभएको हो । त्यस्तै काभ्रे जिल्लाकै पहिलो नगरपालिका बनेपाका मेयर लक्ष्मी नरसिंह बादे कोरोना भाइरसबाट संक्रमित भएपछि आइसोलेसनमै रहनुभएको छ ।

पनौती नगरपालिकाका प्रमुख भिमप्रसाद न्यौपाने पनि कोरोना भाइरसबाट संक्रमित भएपछि अहिले होम आइसोलेसनमै रहनुभएको छ । पालिका प्रमुखहरु नै संक्रमित भएपछि अत्यावश्यक बाहेकका सबै सेवा बन्द जस्तै भएका छन् ।