धुलिखेल, १० कात्तिक, काभ्रेका कोरोना संक्रमित थप एक जनाको निधन भएको छ । स्वास्थ्य कार्यालय काभ्रेका अनुसार धुलिखेल नगरपालिकाका ६८ बर्षीय पुरुषको मृत्यु भएको हो । यो सँगै काभ्रेमा मृतकको संख्या १७ पुगेको छ । जसलमा १० जना पुरुष र ७ जना महिला रहेका छन् ।
जिल्ला आज ५ जनामा कोरोना भाइरसको संक्रमण पुष्टि भएको छ । धुलिखेल नगरपालिकाका २ जना पुरुष, बनेपा नगरपालिकाका १ जना पुरुष, १ जना महिला र पनौती नगरपालिकाका १ जना पुरुष रहेका छन् । आज थपिएका सहित काभ्रेमा कोरोना संक्रमितको संख्या १५३२ पुगेको छ ।
आज जिल्लाका ८ जना संक्रमित कोरोना भाइरसलाई जितेर घर फर्किएका छन् । यो सँगै काभ्रेमा निको हुनेको संख्या ९५३ पुगेको छ । ६१३ जना पुरुष र ३४० महिला निको भइसकेका छन् । हालसम्म ४५० जना संक्रमित आफ्नै घरको आइसोलेसनमा रहेका छन् । अस्पतालको आइसोलेसनमा ११२ जना रहेका छन् । संक्रिय संक्रमितको संख्या भने ५६२ रहेको छ ।
Facebook Comments