काभ्रेको रोशी गाउँपालिकाले आफ्नो प्रशासनिक भवनको निर्माणलाई तीब्रता दिएको छ । अहिले दुई वटा भवन निर्माधिन अवस्थामा छन् ।
जिल्ला समन्वय समिति काभ्रेको ६० प्रतिशत र गाउँपालिकाको ४० प्रतिशत लागतमा निर्माण थलिएको भवन सम्पन्नको अन्तिम चरणमा पुगेको छ । यो भवनमा ८ वटा कोठा रहेका छन । भवनको आज जिल्ला समन्वय समिति काभ्रेका प्रमुख दिपक गौतमले अनुगमन समेत गर्नुभएको छ । अनुगमनका लागि उपप्रमुख रिम बहादुर तामाङ र जिल्ला समन्वय अधिकारी भिम बहादुर भट्राई पुग्नुभएको थियो ।
यो भवन यहि असार १५ गतेभित्र सम्पन्न गर्ने गरी काम तीब्रगतिमा भैरहेको पालिका अध्यक्ष दिनेश लामाले जानकारी दिनुभयो । यो भवन ५८ लाखमा सम्झौता भएको हो । अनुगमनका लागि पुग्नु भएका जिसस प्रमुख गौतम, उपप्रमुख तामाङ र समन्वय अधिकारी भट्टराईलाई रोशी गाउँपालिका अध्यक्ष दिनेश लामा, उपाध्यक्ष मिम बहादुर वाइबाले स्वागत गर्नुभएको थियो ।
त्यस्तै स्थानीय पूर्वाधार विकास तथा कृषि सडक विभाग (डोलिडार) को ६० प्रतिशत र गाउँपालिकाको ४० प्रतिशत लगानीमा पक्की भवन निर्माणधिन अवस्थामा छ । यो भवनमा ३७ वटा कोठा रहनेछ । यो भवन २०८१ सालभित्र सकाइसक्ने गरी काम भैरहेको प्रमुख पशासकीय अधिकृत राम बहादुर लामाले जानकारी दिनुभयो । गएको माघ महिनाबाट निर्माण सुरु भएको हो ।
रोशी गाउँपालिका वडा नम्बर ७ को कटुञ्जेमा लामा समय भाडाको घरमा बस्दै आएको थियो । अहिले भने आफ्नै जग्गामा सरेको छ । अमलटारमा गाउँपालिका सरेको हो । स्थानीय ६ जनाले १० रोपनी जग्गा दान गरेपछि पालिका अमलटारमा सरेको पालिका प्रमुख लामाले बताउनुभयो ।
Facebook Comments