काभ्रेको बनेपामा रहेको भोमी अस्पतालले पहिलो बार्षिक उत्सव मनाएको छ । आज अस्पतालमा संविधानसभा सदस्य एवं पूर्व राज्यमन्त्री कञ्चनचन्द्र बादेको प्रमुख आतिथ्यतामा अस्पतालले पहिलो बार्षिक उत्सव मनाएको हो ।
अस्पतालले पहिलो बार्षिक उत्सवको अवसरमा बनेपा नगरपालिकामा नवनिर्वाचित जनप्रतिनिधिहरुलाई सम्मान समेत गरेको छ । कार्यक्रममा बोल्दै पूर्व राज्यमन्त्री बादेले भोमी अस्पतालले कोभिडको बेला निकै सर्हनीय काम गरेको भन्दै अगामी दिनमा यस्तै उदाहरणीय काम गर्न आग्रह गर्नुभयो ।
उहाँले अस्पतालको सेवालाई थप मुजबुद गराउँदै बनेपाली जनतासंगै सिंगो काभ्रेली जनताको स्वास्थ्य सेवामा लाग्न र आवश्यक सहयोग गर्न तयार रहेको बताउनुभयो ।
कार्यक्रममा बनेपा नगरपालिकाका मेयर शान्ति रत्न शाक्यले कोभिडका बेला भोमी अस्पताले पुर्याएको योगदानको चर्चा गर्दै आगामी दिनमा पनि सहकार्य गरेरै अघि बढ्ने बताउनुभयो । मेयर शाक्यले सेवा प्रवाहलाई अझ विश्वासिलो बनाउन आग्रह गर्नुभयो ।
उपप्रमुख बिमला सापकोटाले कोभिडको बेला स्थापित यो अस्पतालले बनेपाली जनताहरुको स्वास्थ्यलाई सुधार गर्न महत्वपूर्ण भुमिका निर्वाह गर्ने बताउनुभयो । उहाँले विपदको बेला सहयोग गरेको भन्दै अस्पताललाई नगरपालिकाकै एउटा सम्पत्तिको रुपमा विकास गर्न सहयोग गर्ने बताउनुभयो ।
कार्यक्रममा वडा नम्बर १० का वडाध्यक्ष चन्द्र खड्काले अस्पताल रहेको वडाका स्थानीय र बनेपा नगरबासीलाई सहुलियतमा उच्च स्तरीय सेवा प्रवाह गर्नुपर्नेमा जोड दिनुभयो । उहाँले अस्पताललाई समस्या परेको बेला वडासंगै साथमा रहेको भन्दै यसको सेवालाई मजबुद बनाउने क्रममा सहकार्य गर्न तत्परहेको बताउनुभयो ।
अस्पतालका प्रबन्ध निर्देशक सगुन कायस्थले अस्पतालले एक वर्षकै समयअवधिमा जिल्लाभित्र एक सक्षम अस्पतालको रुपमा प्रमाणित गरेको बताउनुभयो । अगामी दिनमा पनि भरपर्दो र विश्वानिय स्वास्थ्य सेवा प्रदान गर्नेमा कायस्थले विश्वास ब्यक्त गर्नुभयो ।
Facebook Comments