पनौतीको घुम जात्रामा छाताको ब्यापार ?

घुम जात्रा लाग्ने काभ्रेको पनौतीमा छाता सिंगारिएको भन्दै सामाजिक सञ्जाल मार्फत विरोध हुन थालेको छ ।

आधुनिकताको नाममा छाताको प्रबद्र्धन गर्न खोजिएको भन्दै पनौती र काभ्रेका सामाजिक सञ्जाल प्रयोग कर्ताहरुले विरोध गरेका हुन् । उनीहरुले घुम जात्रामा छाता सिंगारिनु मौलिकता माथिको हस्तक्षेप भनेका छन ।

पनौती सांस्कृतिक तथा धार्मिक नगरी हो । यही जेठ ३० गते पनौतीमा घुम जात्रा लाग्दैछ । त्यसको पूर्वसन्ध्यामा जात्रा स्थलमा छाता सिंगारिएको हो । धेरै जसोले घुम जात्रामा घुमकै सजावट गर्दा संस्कृति समेत पुस्तान्तरण हुने तर्क राखेका छन ।

पर्यटन प्रवद्र्धनका रुपमा रंगीचंगी छात्रा राखेपछि जात्रा आयोजक तथा ब्यवस्थापन समिति माथी नै मौलिख संस्कृति माथि आक्रमण गरेको आपेक्ष लगाएको पनि देखिएको छ । नयाँ पुस्तालाई पुरानो संस्कृति चिनाउने, सिकाउने र संरक्षण गर्नु पर्ने बेला थप आधुनिकता तर्फ जात्रालाई लगेको प्रति असन्तुष्टि ब्यक्त गर्नेको संख्या पनि बढोत्तरी हुँदै गएको छ ।

पनौतीमा यो जात्रा १ हजार ४१९ वर्षदेखि सञ्चालन हुँदै आएको छ । नेवारी भाषाबाट ज्याः पुन्ही भनिन्छ । पनौती जात्रालाई ज्याः पुन्ही, हिले जात्रा र घुम जात्राका नामले समेत परिभाषारित गर्ने गरिन्छ ।