विद्यालयमा भर्ना शुल्क नलिन खानीखोला सरकारको निर्देशन

काभ्रेको विकटमा रहेको खानीखोला गाउँपालिकाले विद्यालय तहमा निःशुल्क भर्ना लिन निर्देशन दिएको छ ।

सामुदायिक विद्यालयले भर्ना शुल्क लिइरहेको खबर आइरहेको भन्दै गाउँपालिकाले भर्ना शुल्क नलिन भनेको हो ।

गाउँपालिकाका शिक्षा अधिकृत विष्णु बहादुर अधिकारीले एक सूचना जारी गर्दे खानीखोला गाउँपालिकाभित्र सञ्चालित केहि सामुदायिक विद्यालयहरुले भर्ना शुल्क बापत केही शुल्क लिएको भन्ने खबर प्राप्त भएको हुँदा नेपालको संविधान २०७२ को धारा ३१ बमोजिम विद्यालय तहसम्मको शिक्षा निःशुल्क भएको कुरा अवगत गराउँदै भर्नाको नाममा कुनै पनि प्रकारको शुल्क नलिन आग्रह गरिएको छ ।