पनौती जाऔँ, छोटो समयमा द्रुत विकास कसरी हुन्छ हेरौँ

पनौती नगरपालिकामा पछिल्लो दुई महिना यता कयौँ मान्छे दंग हुने गरी विकास निर्माण भइरहेको छ ।

तर यो विकास निर्माण पनौती नगरपालिकाका सबै वडामा भइरहेका छैनन् । नगरपालिकाले मगर मेला लाग्ने ठाउँमा द्रुत गतिमा विकास निर्माण गरिरहेको छ ।

दुई महिना यताको विकास निर्माणलाई हेर्दा मानिसहरु छक्क परेका छन् । यदि चाहाने हो भने विकास निर्माण छोटो समयपनि सम्भव हुने रहेछ भनेर धेरैले भन्न थालेका छन् । तर वित्तेको साढे ४ वर्ष देखि नै नगरपालिकाले यही शैलीमा काम गरे हो भने साच्चै नगरपालिकाप्रति नागरिकहरु नतमस्तक हुने थिए ।

अहिले भैरहेको विकास निर्माण दीर्घकालिन हुनेमा भने स्थानीयहरु चिन्तित छन् । तर खुशी छन् । नगरपालिकाले मकर मेला मुल ब्यवस्थापन समिति गठन गरेको छ । त्यस्तै कयौँ उपसमितिहरु गठन गरेर काम थालेको थियो ।

यहि माघ १ गतेदेखि ऐतिहासिक मकर मेला लाग्ने छ । मेला माघ महिनाभर चल्नेछ । मकर मेलाका लागि आवश्यक पर्ने पूर्वाधारदेखि प्रक्रिया लगभग अन्तिम चरणमा पुगेको छ । महत्वपूर्ण काम सकिएको छ ।

हरेकदिन जसो नगर प्रमुख भिम न्यौपाने मेला स्थलमा भइरहेको काम हेर्न पुग्नुहुन्छ । समिति मार्फत जानकारी लिइरहुन हुन्छ । कतै समस्या आइहाले तत्काल समाधान गर्नु हुन्छ ।

लामो समय नगरपालिकाले अपजस लिइरहेको पनौती बनेपा सडकको पिचको काम अन्तिम चरणमा छ । मठ मन्दिरको रंगरोगन सकिएको छ । सिँढी, पुल मन्दिरसम्म पुग्ने मार्गको पुनःनिर्माण र खोलानालाको सरसफाई गर्ने काम सकिएको छ ।

धार्मिक तथा सांँस्कृतिक नगरको परिचय बनाएको पनौती नगरपालिकाले पछिल्लो समय जुन मोडालिटीमा काम गरिरहेको छ । अरुका लागि पनि उदाहरणीय छ । यहि मोडालिटी र गतिमा नगरपालिकामा जनप्रतिनिधि आएदेखि काम भएको हुन्थ्यो भने अझै धेरैले वाह् ! भन्थे ।

र पनि नगरपालिकाले पछिल्लो अवधिमा गरेको काम प्रति स्थानीयले सन्तुष्टि नै ब्यक्ति गरेका छन् । सबै उपसमितिहरुले आ आफ्नो जिम्मेवारी पुर्वक काम गरिररहेका छन् । कोभिडका कारण मेला नै नहुने हो कि भन्ने दुविधाका बीच गरिएको तयारी प्रशंसानीय नै देखिन्छ ।