एमाले काभ्रेको १० औँ जिल्ला अधिवेशनको तयारी स्वरुप मञ्च निर्माणको काम सुरु भएको छ ।
जिल्ला अधिवेशनको उदघाटन एमाले अध्यक्ष एवं पूर्वप्रधानमन्त्री केपी शर्मा ओली गर्नुहुनेछ । पुस २३ गते विहान ११ बजे धुलिखेल रंगशालामा अधिवेशन उदघाटन हुनेछ ।
बिनोद पराजुली संयोजक रहेको मञ्च ब्यवस्थापन उपसमितिले मञ्च निर्माणलाई तीब्र दिएको हो । मञ्च पनि हाइटेक हुनेछ । १० औँ जिल्ला अधिवेशनमा कम्तिमा ३० हजार कार्यकर्ता सहभागि हुनेछन् । अधिवेशन भर ४७ लाख रुपैयाँ खर्च खर्च हुने अनुमान गरिएको छ ।
२३, २४ र २५ गतेसम्म अधिवेशन चल्ने बताइएको छ । २४ गते विहानदेखि धुलिखेल नगरपालिकाको नवनिर्मित सभाहलमा बन्दसत्र सुरु हुनेछ । अधिवेशनले १ सय ५ सदस्यीय जिल्ला कमिटी गठन गर्ने छ । जसमा एक जना अध्यक्ष, एक जना उपाध्यक्ष, सचिब एक जना, उपसचिब दुई जना गरी ५ जना पदाधिकारी रहनेछन् ।
जिल्ला अधिवेशनमा पदेन, भूगोल, पालिका कमिटी, जनसंगठन र मनोनित गरि करिब १ हजार ३ सय ५० जना प्रतिनिधि छानिएका छन् । अध्यक्ष अशोक कुमार ब्याञ्जु श्रेष्ठले १० औँ अधिवेशन ऐतिहासिक हुने दाबी गर्नुभयो ।
Facebook Comments