नेकपा एमाले काभ्रेको १० औँ जिल्ला अधिवेशनमा पदको हिसाब किताब सुरु हुन थालिसकेको छ ।
अध्यक्षको दौडमा धेरै जना देखिन्छन् । तर अहिलेसम्म अध्यक्ष, उपाध्यक्ष, सचिब र दुई जना उपसचिब सहित जिल्ला कमिटी सदस्यमा एक जनाले पनि औपचारिक रुपमा उम्मदेवारी घोषणा गर्न सकेका छैनन् ।
बुधबार दिउँसो तीन बजे एमाले काभ्रेले पत्रकार सम्मेलन गर्यो । सम्मेलनमा पार्टीका विभिन्न विभागमा रहेर काम गरिरहेका कार्यकर्ता पनि सहभागि थिए । पत्रकार सम्मेलनमा जिल्ला पार्टी अध्यक्ष अशोक कुमार ब्याञ्जु श्रेष्ठ, सचिब नारायण पाण्डे र उपसचिब इन्द्र तामाङ हुनुहुन्थ्यो ।
अहिलेसम्म पनि उम्मेदवारी घोषणा कसैले नगरेपछि संवाददाताहरुले प्रश्न गरे । अध्यक्ष र सचिबले खासै जवाफ दिन चाहानु भएन् । तर उपसचिब इन्द्र तामाङले आफ्नो कुरा राख्नुभयो ।
‘म प्रष्टसँग भन्न चाहान्छु । म अध्यक्षको उम्मेदवार होइन । यसको अर्थ अध्यक्षमा उम्मेदवारी दिनसक्दैन भन्ने होइन । अर्थात इन्द्र तामाङ कमजोर भएछ भनेर नबुझ्नुस् । बन्द सत्रको हलले मलाई जे जिम्मेवारी दिन्छ बोक्न तयार छु ।
इन्द्र तामाङलाई यो पटक जिल्ला कमिटीमा कुनै ठाउँ छैन भने पनि स्वीकार्न तयार छु । तर बन्दसत्रले निर्णय गर्नुपर्छ । अथवा जिल्ला कमिटीमा नअटाउनुको उचित कारण मलाइ नेतृत्वले भन्नुपर्छ । तामाङले भन्नुभयो ।’
Facebook Comments