धुलिखेलमा एमालेको भद्दा मजाक (भिडिओ)

१० औँ जिल्ला अधिवेशनको तीब्र प्रचारप्रसार गरिरहेको एमाले काभ्रेले कतिपय अवस्थामा प्रचारलाई मजाकका रुपमा समेत प्रयोग गरेको पाइन्छ ।

धुलिखेलमा शारीरिक अशक्त ब्यक्तिलाई समेत उनीहरुले प्रचारप्रसारको रुपमा उपयोग गरेका छन् । एमाले कार्यकर्ताले एकापट्टि कम्युनिष्ट र अर्को पट्टि सूर्य चिन्हको झण्डा ती शारीरिक अशक्त भएका ब्यक्तिको ह्वीलचियरमा राखिदिएका हुन् ।

आफुहरु घर घर डुलेर पैसा संकलन गर्ने क्रममा एमाले कार्यकर्ताले पार्टीको झण्डा ह्वीलचियरमा राखिदिएको उनीहरुले बताए । ‘हामी त मागेर गुजरा चलाउने ब्यक्ति । उहाँहरुले पार्टीको झण्डा राखिदिनुभयो । हामी पनि अचम्ममा पर्र्यो । अहिलेसम्म यस्तो कुनै पार्टीले पनि हाम्रो ह्वीलचियरमा पार्टीको झण्डा राख्नु भएको थिए । ह्वीलचियरका सहयोगीले मिलिजुली खबरसँग भने ।’

पार्टीको झण्डा सहित पैसा माग्न आएपछि कतिपयले एमाले प्रति ठट्टा समेत गरेका थिए । अरनिको राजमार्ग स्थित धुलिखेल नगरपालिका वडा नम्बर ३ का स्थानीयले १० औँ जिल्ला अधिवेशनमा ५० हजार कार्यकर्ता उतार्ने घोषणा गरेर पैसा अपुग भएपछि एमालेले यसरी माग्न थालेछ समेत भन्न भ्याएका थिए ।

यसरी ह्वीलचियरमा पार्टीको झण्डा बोकेर पैसा माग्दै हिड्दा समस्या पर्ने स्थानीयले बताएपछि उनीहरुले दुबै झण्डा निकालेर सडक किनार छेउमा सुरक्षित साथ राखेका थिए ।

थप भिडिओमा