एमाले काभ्रेले आफ्नो अधिवेशनमा सहभागि प्रतिनिधि राख्नका लागि क्षेत्रिय होटल संघ धुलिखेलसँग छुट मागेको छ ।
क्षेत्रिय होटल संघको पदाधिकारीसँग बैठक बसेर एमालेले छुट मागेको हो । बैठकमा खाना र कोठा प्रयोग बापत २५÷२५ प्रतिशत छुट दिने निर्णय भएको संघका सचिब जोत्सना सैजुले मिलिजुली खबरलाई बताउनुभयो ।
उहाँका अनुसार क्षेत्रिय होटल संघमा ४० वटा होटल आबद्ध छन् । जसमा १०६२ वटा कोठा रहेका छन् । २ हजार १२४ वटा बेड रहेको सचिब सैँजुले जानकारी दिनुभयो ।
‘बैठकमा हामीले खाना र कोठामा २५/२५ प्रतिशत छुट दिने निर्णय गरेका छौँ । उहाँहरुले अधिवेशनका प्रतिनिधि राख्ने कुरा गर्नुभएको छ । तर अहिलेसम्म संघ मार्फत कुनै पनि होटल बुकिङ गर्नुभएको छैन् । सचिब सैँजुले भन्नुभयो ।’
एमाले काभ्रेको अधिवेशन पुस २३ गते शुक्रबारका दिन हुँदैछ । शुक्रबार धुलिखेलका प्रायः होटल प्याक हुन्छन् । तर एमाले अधिवेशनका कारण होटल ब्यवसायीहरु दोधारमा छन् । अहिलेसम्म अधिवेशनका लागि होटल बुक नगर्दा उनीहरु दोधारमा परेका हुन् ।
एमाले काभ्रेले क्षेत्रिय होटलसंघलाई कम्तिमा २ हजार जनाले होटलको सुविधा लिने जानकारी गराएको छ ।
Facebook Comments