पनौतीमा लाग्ने १२ बर्षे मकर मेलामा आफु खुशी धार्मिक अनुष्ठानका कार्यक्रम गर्न नपाईने भएको छ ।
मकर मेला मुल ब्यवस्थापन समिति सचिवालयका संयोजक इन्द्रप्रसाद अधिकारीले एक सूचना जारी गर्दै अनुमति नलिई धार्मिक अनुष्ठानका कार्यक्रम गरे कारबाही गर्ने चेतावनी दिनुभएको हो ।
सूचनामा भनिएको छ: मेलाको अवसर पारि गरिने कतिपय धार्मिक अनुष्ठान कार्यक्रम नगरपालिकाको स्वीकृति र सहमति नलिई स्थान निर्धारण गर्ने, सहयोग संकलन गर्ने उद्देश्य राखिएको सूचना प्राप्त हुन आएको उपर हाम्रो ध्यानाकर्षण भएको छ ।
अत: कुनै धार्मिक वा संघ संस्थाले धार्मिक अनुष्ठानका जे जस्ता पवित्र ध्येयका कार्यक्रम, गतिविधि, सहयोग संकलन गर्ने भएपनि स्वीकृति र सहमति नलिई नगर्न र नगराउन हार्दिक आग्रह गर्दछौँ ।
सूचनाको अवज्ञा हुनेगरी सञ्चालन भएको अवस्थामा अनुगमनका क्रममा पुष्टि भए वा प्रक्रियासम्मत बनाउने जोर जर्बजस्ती भए गरेमा कार्यक्रम सञ्चालनमा नियन्त्रण समेत गर्न सकिने ब्यहोरा जानकारी गराईन्छ ।’
Facebook Comments