तेमालको काल्दारमा ‘एक घर, एक धारा’

काभ्रेको तेमाल गाउँपालिका वडा नम्बर ७ काल्दारमा ‘एक घर, एक धारा’ पुगेको छ ।

सिआरएस नेपाल र शान्ति जनआदर्श सेवा केन्द्र धुलिखेलको साझेदारीमा ‘एक घर, एक धारा’ कार्यक्रम सम्पन्न भएको हो ।

काल्दार खानेपानी योजना मार्फत १३७ घरधुरीमा खानेपानी पुगेको शान्ति जनआदर्श सेवा केन्द्रका अध्यक्ष शंख बुद्ध लामाले जानकारी दिनुभयो ।

निर्माण सम्पन्न भएको उक्त खानेपानी आयोजना उपभोक्ता समितिलाई हिजो एक कार्यक्रमका बीच उदघाटन गरिएको छ ।

यो खानेपानी याेजना २०५५ सालमा फण्बाेर्डकाे सहयोग, शान्ति जन आदर्श सेवा केन्द्रकाे प्राविधिक सहयोग र समुदायको जन सहभागीतामा सम्पन्न भएको थियो । २०६० साल माघ १७ गते बिश्वबैंकका तत्कालीन उपाध्यक्ष गाेविन्द तानकानी टाशी तेन्जिङ बाट अबलोकन समेत गर्नु भएको थियोे ।

त्यहि आयोजनालाई मर्मत सम्भार गरी ‘एक घर, एक धारा’ कार्यक्रम अन्तर्गत खानेपानी घर घरमा पुर्याईएको हो । शान्ति जनआदर्श सेवा केन्द्रका अध्यक्ष लामाले याेजनाकाे संस्थागत विकास तथा दैनिक धारामा पानी आउनकाे लागि उपभोक्त समुहलाई सक्रियता र नीति गत व्यवस्थापन गर्नु पर्नेमा जोड दिनुभयो ।