काभ्रेको पाँचखाल नगरपालिकाले बर्षौपछि सार्वजनिक जग्गा देखेको छ ।
वडा नम्बर ३ र ४ को सिमाना (काफ्लेडिही) मा रहेको ३२ रोपनी सार्वजनिक जमिन जग्गा नगरपालिकाले देखेको हो । यो जग्गा नापी हुनु भन्दा अगाडी देखिनै स्थानियले पानी घाट साथै चरणको रुपमा प्रयोग गर्दै आएका थिए ।
तर भु माफियाले स्थानीयलाई गुमराहमा राखेर बेचबिखन गर्दै आएका थिए । सिन्धु विकास बैंकले जग्गा लिलामको सूचना जारी गरेपछि नगरपालिकाले चासो राखेको हो ।
स्थानीयको चर्चा दबाबपछि नगर प्रमुख महेश खरेलको टोलीले ३२ रोपनी जग्गा सार्वजनिक नै भएको भन्दै सर्जमिन गरिएको छ ।
यो जग्गा पानी घाट र चरणको रुपमा रहेको उपभोग गर्दै आएको स्थानीयले बताएका छन् । स्थानीयले ३२ रोपनि जग्गा सार्वजनिकै हुनुपर्ने माग राख्दै १० बर्षे जनयुद्ध कालमा जनअदालतमा समेत उजुरी दिएको
स्थानीय समाजसेवी हरि दुलालले जानकारी दिनुभयो ।
दुलालका अनुसार तत्कालीन जनअदालतले छानविन गरेर उक्त जग्गा सार्वजनिक नै रहेको ठहर गर्दै माओवादी पार्टीले झण्डा गाडेको थियो ।
सार्वजनिक जग्गा ब्यक्तिले पुर्जा बनाएर हडप्नेपछि संघर्ष समिति बनाएर स्थानीयहरू जिल्ला अदालत काभ्रे हुँदै पुनरावेदन अदालतसम्म पुगेका थिए । तर पुनरावेदन अदालतले उक्त जग्गा सार्वजनिक नहुनेठहर गरेको थियो ।
Facebook Comments