सिन्धुपाल्चोकका एमाले नेता सुबास कर्माचार्य नेकपा (एकीकृत समाजवादी) को केन्द्रीय सद्रस्य बन्नुभएको छ ।
नेता कर्माचार्यलाई नेकपा एसको सचिवालय बैठकले केन्द्रीय सदस्यमा मनोनित गरेको हो । एमाले नेता कर्माचार्यले केहिदिन अघि मात्रै सामाजिक सञ्जाल मार्फत नेकपा एमालेसँगको आफ्नो ४० वर्ष लामो आबद्धता त्यागेको घोषणा गर्नुभएको थियो ।
केन्द्रीय सदस्यमा मनोनितसँगै नेकपा एसले नेता कर्माचार्यलाई सिन्धुपाल्चोकको इन्चार्जको लागि बाटो खुलेको छ । नेता कर्माचार्य सिन्धुपाल्चोक एमालेमा पहिले देखिनै माधव कुमार नेपाल गुटमै हुनुहुन्थ्यो ।
केपी ओली दुई पटक संसद विघटन गर्दा नेता कर्माचार्य त्यसको विरोधमै हुनुहुन्थ्यो । तर महाधिवेशनबाट केन्द्रीय सदस्य बनाउने आश्वासका साथ नेता कर्माचार्य एमालेमै बस्नुभएको थियो ।
एमालेमा केन्द्रीय सदस्य बनाएपछि कर्माचार्यले एमाले परित्याग गर्नुभएको हो । नेता कर्माचार्यले राष्ट्रिय टेलिभिजनहरुमा अन्तर्वार्ता दिँदै माधव नेपालसँग लामो समयदेखि सहकार्य रहेको फेरी पनि सहकार्य गरेर अघि बढ्न आफु तयार रहेको बताउनुभएको थियो ।
कर्माचार्य नेकपा एसको केन्द्रीय सदस्यमा मनोनितसँगै नजिकिदैँ गरेको ९ जिल्ला अधिवेशनलाई समेत केहि असर पर्ने देखिन्छ । जिल्ला कमिटीमा नेताहरुले उचित जिम्मेवारी नपाए कर्माचार्यकै बाटोमा कयौँ कार्यकर्ता नेकपा (एकीकृत समाजवादी) मा आबद्ध हुने अनुमान गरिएको छ ।
नेता कर्माचार्य सिन्धुपाल्चोकमा बामपन्थी संस्थापक नेता समेत हुनुहुन्छ । नेता कर्माचार्यले पार्टी परित्याग गरेपछि एमालेलाई ठूलो धक्का लागेको छ । ओलीको संसद विघटन विरोधको आन्दोलनमा सिन्धुपाल्चोक एमालेका अधिकांश नेता कार्यकर्ता लागेका थिए ।
Facebook Comments