काभ्रेमा संक्रमितको संख्या २२ मा झर्यो

काभ्रेमा सक्रिय कोरोना संक्रमितको संख्या २२ मा जझेको छ ।

बितेको २४ घण्टामा जिल्लामा ९ जना सक्रिय संक्रमित निको भएसंगै संख्या घटेको हो । बनेपाका २ दुई जना बाहेक सबै जना होम आईसोलेसनमै रहेका छन् ।

स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर पुरुषोत्तम राज सेढाईका अनुसार बितेको २४ घण्टामा १५ जनाको स्वाब परीक्षण गर्दा २ जनामा संक्रमण पुष्टि भएको छ ।

सबैभन्दा बढी बनेपा नगरपालिकामा ८ जना सक्रिय संक्रमित छन् । धुलिखेल नगरपालिकामा ७ जना, पाँचखाल नगरपालिकामा ३, भुम्लु गाउँपालिकामा २ जना, पनौती र नमोबुद्ध नगरपालिकामा १/१ जना सक्रिय संक्रमित छन् ।