नेकपा (एकीकृत समाजवादी) काभ्रेका शिर्षस्थ नेताहरुले पुराना बामपन्थी नेता गोविन्द नाथ उप्रेतीसंग भेट गरेका छन् ।
पूर्व सांसद एवं नेकपा एसका केन्द्रीय अनुशासन आयोगका अध्यक्ष शिव बहादुर देउजा, संविधानसभा सदस्य एवं नेकपा एसका केन्द्रीय सदस्य बिदुर सापकोटा र केन्द्रीय सदस्य एवं काभ्रे जिल्ला सहइन्चार्ज मुकुन्द गौतमले उप्रेतीसंग भेट गर्नुभएको हो ।
उप्रेतीको निवास कोशीपारीमै पुगेर नेकपा एस काभ्रेका शिर्षस्थ नेताहरुले भेट गर्नु भएको हो । भेटमा नेकपा एसका नेताहरूले उप्रेतीको स्वास्थ्य अवस्थाका बारे जानकारी लिएका थिए ।
त्यस्तै पछिल्लो राजनीतिक परिवर्तनका बारे समेत कुराकानी भएको बताईएको छ । पूर्व सांसद एवं पूर्व मन्त्री उप्रेती अहिले नेकपा माओवादी केन्द्रसंग नजिक हुनुहुन्छ । कोशीपारीका जनताको हरेक सुख, दुःखमा साथ दिने उप्रेती निकै लोकप्रिय नेताको रूपमा चिनिनुहुन्छ ।
कोशीपारीमा सडक पुर्याउन उप्रेतीकै देन छ । कोशीपारीका धेरै नागरिकले उप्रेतीलाई श्रद्धा पूर्वक सम्मान गर्ने गर्छन् । निकै लामो समयपछि भएको भेटमा पहिले सक्रिय राजनीतिमा हुँदा बगतका कुरा समेत भएको नेताहरूले बताएका छन् ।
नेकपा (एकीकृत समाजवादी) काभ्रेका नेताहरूले पूर्व मन्त्री उप्रेतीलाई आफ्नो स्वास्थ्यको बढी ख्याल गर्न सुझाव समेत दिएका छन् । नेता उप्रेती पछिल्लो समय सक्रिय राजनीतिमा सहभागी हुनुहुन्न ।
Facebook Comments