जिल्ला प्रशासन कार्यालय काभ्रेले सेवाग्राहीका लागि ‘बार’ तोकेको छ ।
प्रमुख जिल्ला अधिकारी शिवराम पोखरेलले एक सूचना जारी गर्दै सेवाग्राहीका बार तोक्नु भएको हो ।
नयाँ नागरिकताका लागि निवेदन लिएर आउनेको संख्या ब्यवस्थापन गर्नै नसकिने अवस्थामा आएपछि प्रशासन कार्यालयले बार तोकेको हो ।
जस अनुसार धुलिखेल र मण्डनदेउपुर नगरपालिका तथा तेमाल र चौरीदेराली गाउँपालिकाका नागरिकले आईतबार र बुधबार मात्रै सेवा लिन पाउनेछन् ।
पनौती र पाँचखाल नगरपालिका तथा रोशी र भुम्लु गाउँपालिकाका नागरिकले सोमबार र बिहीबार सेवा लिन पाउने छन् ।
बनेपा र नमोबुद्ध नगरपालिका तथा बेथानचोक गाउँपालिकाका नागरिकले मंगलबार र शुक्रबार सेवा लिन पाउने गरी बार तोकिएको हो । नयाँ नियम यहि पुस १५ गतेदेखि लागू हुने छ ।
खानीखोला र महाभारत गाउँपालिकाका नागरिकला भने सबै दिन सेवा पाउनेछन् । भिड बढी हुँदा कोरोना भाईरसको जोखिम समेत बढ्ने भन्दै चाप कम गर्न सेवाग्राहीका लागि बार तोकिएको प्रशासन कार्यालयले जनाएको छ ।
Facebook Comments