केपी ओली संविधान विरोधी ब्यक्ति हुन्, बाँस्कोटाले भ्रम छरे–सांसद लम्साल

नेकपा (एकीकृत समाजवादी) का केन्द्रीय सदस्य, बागमती प्रदेश कमिटी सचिब एवं सांसद लक्ष्मण लम्सालले एमाले अध्यक्ष केपी शर्मा ओलीले संविधान विरोधी भएको बताउनुभएको छ ।

आज काभ्रे पाँचखाल नगरपालिका वडा नम्बर ४ को वडा भेलालाई सम्बोधन गर्दै केपी ओली देशको मुल कानुन भन्दा पनि माथि रहन खोज्दा अहिलेको अवस्थामा सिर्जना भएको बताउनुभयो ।

‘केपी संविधान विरोधी ब्यक्ति हुन् । उनीले जसरी पनि संविधान भन्दा माथि बसेर देश चलाउन खोजे । अहिले पनि संघीय सदन र प्रदेश सदन अवरूद्ध गरेर केपी ओली र एमाले पार्टीले संविधान विपरित गतिविधि गरिरहेको छ । यो मान्य छैन् । डटेर प्रतिवाद गर्न आवश्यक छ । सांसद लम्साल भन्नुभयो ।’

केपी ओलीले जाली र फटाहा कुरा गरेर जनतालाई रणभुल्लमा पार्न खोजेको सांसद लम्सालले बताउनुभयो । एमसीसी अहिलेकै अवस्थामा पास नहुने सांसद लम्सालको भनाई छ । तर केपी ओलीले एमसीसीको बारेमा पनि जनतामाझ भ्रम छरेको सांसद लम्सालको भनाई छ ।

‘बरू अहिलेको गठबन्धन भत्कियोस् । यो ठूलो कुरा होईन । तर अहिलेकै अवस्थामा एमसीसी पास हुँदैन् । गठबन्धन भन्दा ठूलो देश र जनता हो । हामीलाई जनतलाई धोका दिन चाहाँदैनौ । केपी ओली हरेक कुरामा फट्याई गरेर भ्रम छर्न ब्यस्त छन् । सदनबाट हाम्रो मुलुकको कानुन भन्दा माथी रहने गरी एमसीसी पास गराउनुपर्छ भन्ने ओली अहिले अरूलाई हिलो छ्यापी रहेका छन् । सांसद लम्साल भन्नुभयो ।’

सांसद लम्सालले काभ्रे जिल्लामा गोकुल बाँस्कोटा र उनी निकटस्थहरुले भ्रम फैलाईरहेको बताउनुभयो । बाँस्कोटा मन्त्री हुँदा जिल्लामा जनतासंग जोडिएको र जिल्लाको हित हुने कुनै पनि काम नगरेको सांसद लम्सालले ठोकुवा गर्नुभयो ।

‘स्थानीय तह र प्रदेश सरकार मार्फत भएका सबै विकास निर्माणका बजेट आफुले नै ल्याएको दाबी गर्ने बाँस्कोटा प्रवृत्ति जिल्लामा हाबी छ । तर उहाँ मन्त्री हुँदा संघ सरकारबाट कति बजेट आयो सोध्नुस् ? फेसबुकमा लेख्दैमा सबै रकम उसैको पहलमा आयो भन्ने छैन् । सांसद लम्सालले भन्नुभयो ।’

पाँचखाल नगरपालिकामा विकास निर्माणका अझै धेरै काम गर्न बाँकी रहेको भन्दै चुनावमा जनता सामु गरेको प्रतिबद्धताबाट आफु विचलित नहुने बताउनुभयो ।

‘पाँचखालमा हामीले कयौँ नयाँ काम गर्न बाँकी छ । चुनावमा बोलेका केहि कुरा सुरुवात भएका छ । पुरा हुन समय लाग्छ । तर तपाईहरुलाई कसैको भ्रममा नपर्न आग्रह गर्छु । म तपाईहरुले नै निर्वाचित गराए पठाएको सांसद हुँ । चुनावका बेला तपाईको घरदैलोमा आउँदा गरेको बाचा बिर्सेको छैन् । धेरै काम सुरुवात भएका छन् । सांसद लम्सालले भन्नुभयो । ’