यस्तो छ काभ्रेपलान्चोक जिल्ला बचत तथा ऋण सहकारी संघको निर्वाचनमा सरकारी गठबन्धन

काभ्रेपलान्चोक जिल्ला बचत तथा ऋण सहकारी संघ लिको २४ औं साधारण सभामा सरकारमा सामेल दलहरूबीच गठबन्धनल बनेको छ ।

गठबन्धनले जितेन्द्र नकर्मी अध्यक्ष रहेको प्यानल खडा गरेको हो । नकर्मीसंग २४ वर्ष लामो सहकारी क्षेत्रमा अनुभव छ ।

नकर्मिले २०६२ देखि २०६५ सालसम्म लेखा समिती सदस्यको रुपमा काम गरिसक्नु भएको छ । त्यस्तै २०६५ देखि २०६८ सालसम्म लेखा संयोजकका रुपमा काम गरिसकेको छ भने २०६८ देखि हालसम्म कोषाध्यक्ष रुपमा कार्यरत हुनुहुन्छ।

लामो समयको सहकारी क्षेत्रको अनुभव भएकै कारण काभ्रेमा सरकार समर्थित गठबन्धनका उम्मेदवारलाई कांग्रेसका नेता कञ्चन चन्द्र बादे, नेकपा एकीकृत समाजवादीका नेता टोक बहादुर वाइबा र माओवादीका नेता रुकु चौलागाईं लगायतका नेताले ऐक्यबद्धता जनाएका छन् ।

सरकारी गठबन्धनका उम्मेदवारमा अध्यक्षमा जितेन्द्र नकर्मी, महिला उपाध्यक्षमा निर्मला श्रेष्ठ, सचिबमा सुरेन्द्र पौडेल, कोषाध्यक्षमा जीवन श्रेष्ठ सहसचिब विकास बादे रहनुभएको छ । त्यस्तै संचालक समिती सदस्यमा रुशन श्रेष्ठ, बाल कृष्ण दाहाल, गणेश कुमार तामाङ, दिल बहादुर भुजेल र ज्ञानेन्द्र कुमार तामाङ रहनुभएको छ ।

महिला सन्चालक समिती सदस्यमा ज्ञानु दाहाल, लेखा समिति सदस्यमा कुमार प्रसाद मैनाली उम्मेदवार रहनुभएको भएको छ । आज दिउँसो नारी चेतना केन्द्र बुडोलमा निर्वाचन हुने छ ।