धुलिखेलमा स्थानीय तहको सुशासन बारे तालिम सुरू भएको छ ।
द एसिया फाउण्डेशनको आर्थिक सहयोगमा सामुदायिक सारथीले ‘स्थानीय जवाफदेहीता र पारदर्शिता प्रवर्द्धनमा सुशासन समितिको भूमिका’ बिषयमा तालिमको आयोजना गरेको हो ।
तालिममा धुलिखेल, पनौती, नमोबुद्ध, पाँचखाल, मण्डनदेउपुरमा गठन भएको सुशासन समितिका संयोजक र सदस्यहरू सहभागी छन् ।
त्यस्तै चौरीदेराली, बेथानचोक, महाभारत र रोशी गाउँपालिकामा गठन भएको सुशासन समितिका संयोक तथा सदस्यहरू सहभागी रहेको सामुदायिक सारथीका कार्यकारी निर्देशक तारा बहादुर भण्डारीले जानकारी दिनुभयो ।
आज पहिलो दिन सहभागीहरूलाई पूर्व सचिब एवं राष्ट्रिय सूचना आयोगका पूर्वमुख्य आयुक्त कृष्ण हरि बाँस्कोटाले स्थानीय तहमा सुशासनका बारे तालिम दिईरहनुभएको छ ।
तालिम भोलिसम्म चल्नेछ ।
Facebook Comments